Ó An Roinn Tithíochta, Rialtais Áitúil agus Oidhreachta
Foilsithe
Oscailte le haghaidh aighneachtaí ó
Dúnadh na haighneachtaí
An t-eolas is déanaí
Tá comhairliúchán dúnta
Fuair gach údarás pleanála in Éirinn cóip le déanaí de chomhfhreagras a sheol Aireacht Fuinnimh, Comhshaoil agus Forbartha Inbhuanaithe na Beilge chuig an Roinn Tithíochta, Rialtais Áitiúil agus Oidhreachta (an RTRÁO) a bhaineann le síneadh beartaithe 10 mbliana a chur le saolré oibríochtúil stáisiúin núicléacha Doel 1 agus 2, atá lonnaithe i ngar do Chalafort Antuairp sa Bheilg.
Faoi théarmaí Choinbhinsiún Choimisiún Eacnamaíochta na Náisiún Aontaithe don Eoraip ar Mheasúnacht Tionchair Timpeallachta i gComhthéacs Trasteorann (Coinbhinsiún Espoo), 1991 agus an Choinbhinsiúin maidir le Rochtain ar Fhaisnéis, Rannpháirtíocht Phoiblí i gCinnteoireacht agus Rochtain ar Cheartas i gCúrsaí Comhshaoil (Coinbhinsiún Aarhus), tá ar Bhallstáit páirt a ghlacadh i gcomhairliúchán poiblí trasteorann maidir le tionscadail ar dóchúil go mbeidh éifeachtaí suntasacha acu ar thimpeallacht Stát máguaird mar chuid den mheasúnacht tionchair timpeallachta ar fhorbairt a bheartaítear. Ar an gcuspóir seo, tá ar an mBallstát a mbeartaítear tabhairt faoin tionscadal ina chríoch cur síos a chur faoi bhráid an Stáit a ndéantar difear dó, tráth nach déanaí ná nuair a bhíonn a phobal féin á chur ar an eolas, faoin tionscadal agus aon eolas ábhartha ar a thionchar féideartha trasteorann.
Tá stáisiúin núicléacha Doel lonnaithe i ngar do Chalafort Antuairp sa Bheilg agus tá siad faoi úinéireacht agus á n-oibriú ag ENGIE Electrabel. Thosaigh Aonaid 1 agus 2 ag Doel ag oibriú i 1975. Ghlac an Bheilg le beartas atá dírithe ar dheireadh a chur de réir a chéile le fuinneamh núicléach chun leictreachas a ghiniúint agus ritheadh dlí ina leith seo in 2003 inar ordaíodh go ndéanfaí stáisiúin núicléacha a dhíghníomhachtú 40 bliain i ndiaidh go ndearnadh a gcoimisiúnú tionsclaíoch.
Mar gheall air seo, bhíothas le deireadh a chur le hoibríochtaí in Doel 1 agus 2 in 2015. Foráladh i ndlí 2003 áfach d’fhoraithne a eisiúint a cheadódh SNanna leanúint de bheith oibríochtúil sa chás go mbagrófaí ar shlándáil soláthair leictreachais. Ritheadh dlí Cónaidhme in 2015 a chuir síneadh 10 mbliana le saolré oibre SNanna Doel 1 agus 2, agus a cheangail go ndéanfaí iad a dhíghníomhachtú in 2025.
Chuir Eagraíocht Neamhrialtasach Comhshaoil (ENR) in aghaidh dhlí 2015 a dheonaigh síneadh a chur le saolré oibre SNanna Doel 1 agus 2 i gCúirteanna Bunreachtúla na Beilge. Rinne an Chúirt Bhunreachtrúil an cheist a tharchur chuig Cúirt Bhreithiúnais an Aontais Eorpaigh (CBAE) go ndéanfaí réamhrialú (Cás C-411/17). Go hachomair, is é toradh an cháis sin gurb ionann an cinneadh chun saolré oibre na SNanna a shíneadh agus ‘tionscadal’ laistigh de bhrí na Treorach maidir le Measúnacht Tionchair Timpeallachta, agus is gá measúnacht tionchair timpeallachta a dhéanamh agus na comhairliúcháin ghaolmhara trasteorann a chur ar siúl dá bharr.
Ar chúiseanna praiticiúla, rinne údaráis na Beilge an cinneadh dhá Thuarascáil Tionchair Timpeallachta (TTTanna) ar leith a ullmhú, ach thug siad le fios go mbeidh measúnú le déanamh orthu ag an tráth céanna. Ní bhaineann TTT amháin ach leis an gcinneadh saolré oibre Doel 1 agus 2 a shíneadh. Oibreacha a chuireann feabhas ar shábháilteacht núicléach, trí fhoirgneamh nua a thógáil ar an suíomh san áireamh, a bhaineann leis an dara TTT:
Is féidir teacht ar an gcomhfhreagras a d’eisigh Aireacht Fuinnimh, Comhshaoil agus Forbartha Inbhuanaithe na Beilge sa mhír “Cáipéisí” thíos, anuas ar na cáipéisí a sholáthraítear ar mhaithe leis an gcomhairliúchán trasteorann. Beidh cóip chlóite de na cáipéisí seo ar fáil don phobal lena n-iniúchadh i rith uaireanta oifige i ngach oifig údaráis áitiúil ó Dé Céadaoin, an 28 Aibreán 2021. Mar gheall ar éifeachtaí COVID-19, áfach, b’fhéidir nach mbeifear in ann na cáipéisí seo a iniúchadh ach trí choinne a dhéanamh. Moltar go ndéantar teagmháil le d’údarás áitiúil sula dtaistealaíonn tú chun an cháipéisíocht a fheiceáil, lena shoiléiriú an gá duit coinne a dhéanamh. Is féidir cóip a cheannach ón údarás ar tháille nach mó ná an costas réasúnta a bhíonn ar chóipeáil.
Is féidir aighneacht nó breathnóireacht maidir le héifeachtaí féideartha trasteorann na forbartha a dhéanamh i scríbhinn nó ar ríomhphost chuig an Rannóg Pleanála san údarás pleanála don cheantar ina gcónaíonn an duine nó ina bhfuil ceannoifig an chomhlachta atá i gceist suite (féach sonraí teagmhála do gach údarás pleanála ag bun an leathanaigh seo). Caithfidh gach aighneacht nó breathnóireacht an méid seo a leanas a dhéanamh –
1. an teideal “Comhairliúchán poiblí timpeallachta trasteorann – Stáisiúin Núicléacha Doel 1 agus 2” a bheith aige,
2. ainm agus seoladh an duine, an údaráis nó an chomhlachta a bhfuil an aighneacht nó an bhreathnóireacht á déanamh aige agus ainm an duine, más ann dó, atá ag gníomhú thar ceann an duine, an údaráis nó an chomhlachta sin a bheith curtha san áireamh, agus;
3. cúiseanna, breithnithe agus argóintí a chur san áireamh ar a mbunaítear an aighneacht nó an bhreathnóireacht.
Féach, freisin, le do thoil, “Téarmaí agus Coinníollacha” agus “An méid a dhéanfaimid le d’aighneachtaí nó do bhreathnóireacht” thíos.
Is é an spriocdháta d’aighneachtaí nó do bhreathnóireacht scríofa a dhéanann an t-údarás pleanála faoin bpróiseas comhairliúcháin trasteorann seo scor gnó Dé Céadaoin, an 23 Meitheamh 2021 ar a dhéanaí. Ní aithneoidh ná ní fhreagróidh an t-údarás pleanála ar bhonn aonair d’aighneachtaí nó do bhreathnóireacht. Ní ghlacfaidh an Roinn Tithíochta, Rialtais Áitiúil agus Oidhreachta le haighneachtaí nó breathnóireacht maidir leis an gcomhairliúchán.
Notification from Belgium inviting Ireland to participate in the transboundary consultation August 2020
Notification from Belgium inviting Ireland to participate in the transboundary consultation April 2021
Report on the Justified safe continued operation of Doel 1 & 2 Nuclear Power Plants
Federal Nuclear Control Agency (FANC) EIA screening determination
EPA advice in relation to the FANC EIA screening determination
Extended Executive Summary of the Environmental Impact Report concerning the nuclear safety-related improvement works
Non-technical summary of the Environmental Impact Report concerning the strategic decision to extend the operational life of the Nuclear Power Plants
Environmental Impact Report concerning the nuclear safety-related improvement works - Part 1
Environmental Impact Report concerning the nuclear safety-related improvement works - Part 2
Map legend translations - consultation nuclear power plants in Belgium
Cuirtear in iúl d’fhreagróirí go bhfuil an Roinn faoi réir an Achta um Shaoráil Faisnéise, 2014 agus na reachtaíochta um Chosaint Sonraí.
Seachas ainm agus seoladh, níor cheart eolas pearsanta, rúnda ná eolas atá íogair i dtaobh cúrsaí tráchtála de a chur san áireamh i d’aighneacht nó do bhreathnóireacht agus measfar go bhfuil an t-eolas go léir i d’aighneacht inscaoilte faoin Acht um Shaoráil Faisnéise, 2014.
I ndiaidh go ndúntar an tréimhse chun aighneacht nó breathnóireacht a dhéanamh, rachaidh gach údarás pleanála i gcomhairle leis an Aire Tithíochta, Rialtais Áitiúil agus Oidhreachta. Mar chuid den chomhairliúchán seo leis an Aire, seolfaidh gach údarás pleanála cóipeanna d’aighneachtaí nó de bhreathnóireacht agus achoimre ar an gcéanna ar aghaidh chuig an Roinn Tithíochta, Rialtais Áitiúil agus Oidhreachta. A luaithe a bhíonn an próiseas seo críochnaithe, seolfaidh gach údarás pleanála gach aighneacht nó breathnóireacht chuig Aireacht Fuinnimh, Comhshaoil agus Forbartha Inbhuanaithe na Beilge a fhaigheann siad tríd an gcomhairliúchán poiblí seo.
Is féidir aighneachtaí nó breathnóireacht a fuarthas nó achoimre ar an gcéanna a fhoilsiú ar láithreán gréasáin Aireacht Fuinnimh, Comhshaoil agus Forbartha Inbhuanaithe na Beilge, agus is féidir iad a fhoilsiú ar láithreán gréasáin an údaráis phleanála atá i gceist. Ní fhoilseoidh an Roinn Tithíochta, Rialtais Áitiúil agus Oidhreachta aon aighneachtaí nó breathnóireacht nó aon achoimre ar an gcéanna.
Ráiteas Príobháideachta - Gléasraí Cumhachta Núicléacha Comhairliúcháin Phoiblí sa Bheilg
| Údarás Pleanála | Seoladh | Seoladh Ríomhphoist Comhairliúcháin | Uimhir Ghutháin |
| Ceatharlach | An Rannóg Pleanála,Comhairle Contae Cheatharlach,Oifigí an Chontae,Bóthar Bhaile Átha Í, Ceatharlach,R93 E7R7 | Planningdevman@carlowcoco.ie | 059 9170346 |
| An Cabhán | An Rannóg Pleanála,Comhairle Contae an Chabháin,Teach Cúirte an Chabháin,Sráid Fhearnáin,An Cabhán,H12 R6V2 | plan@cavancoco.ie | 049 4378300 |
| An Clár | An Rannóg Pleanála,Comhairle Contae an Chláir,Áras Contae an Chláir,An Bóthar Nua,Inis,Contae an Chláir,V95 DXP2 | transboundaryeia@clarecoco.ie | 065 6846232 |
| Cathair Chorcaí | An Rannóg Pleanála,Comhairle Cathrach Chorcaí,Halla na Cathrach,Sráid Anglesea,Corcaigh,T12 T997 | planningpolicy@corkcity.ie | 021 2389811 |
| Contae Chorcaí | An Rannóg Pleanála,Comhairle Contae Chorcaí,Áras an Chontae,Bóthar Charraig Ruacháin,Corcaigh ,T12 R2NC | Doel1and2Plants@corkcoco.ie | 021 4285883 |
| Cathair Bhaile Átha Cliath | Bloc 4, Urlár 0,Oifigí na Cathrach,Cé an Adhmaid,Baile Átha Cliath 8,D08 RF3F | transboundary@dublincity.ie | 01 222 2149 |
| Comhairle Contae Dhún Laoghaire-Ráth an Dúin | An Rúnaíocht Pleanála,Comhairle Contae Dhún Laoghaire-Ráth an Dúin,Áras an Chontae,Bóthar na Mara,Dún Laoghaire,Contae Bhaile Átha Cliath,A96 K6C9 | planningsecretariat@dlrcoco.ie | 01 2454700 |
| Dún na nGall | An tÚdarás Pleanála,Comhairle Contae Dhún na nGall,Áras an Chontae,An Diamant,Leifear,Contae Dhún na nGall,F93 Y622 | planning@donegalcoco.ie | 074 9153900 |
| Fine Gall | Oifigeach Feidhmiúcháin Sinsearach,An Roinn Pleanála agus Bonneagair Straitéisigh, Comhairle Fhine Gall,Áras an Chontae,An Phríomhshráid,Sord,Contae Bhaile Átha Cliath ,K67 X8Y2 | Fingal.DevelopmentPlan@fingal.ie | 01 890 5000 |
| Contae na Gaillimhe | An Rannóg Pleanála,Comhairle Contae na Gaillimhe,Áras an Chontae,Cnoc na Radharc,Gaillimh ,H91 H6KX | planning@galwaycoco.ie | 091 509000 |
| Cathair na Gaillimhe | An Rannóg Pleanála,Comhairle Cathrach na Gaillimhe,Halla na Cathrach,Bóthar an Choláiste,Gaillimh,H91 X4K8 | planning@galwaycity.ie | 091 536516 |
| Cill Dara | An Rannóg Pleanála,Comhairle Contae Chill Dara,Áras Chill Dara ,Páirc Devoy,An Nás,Contae Chill Dara,W91 X77F | plandept@kildarecoco.ie | 045 980200 |
| Ciarraí | An Rannóg Pleanála,Comhairle Contae Chiarraí,Áras an Chontae, Ráth Teas ,Trá Lí,Contae Chiarraí ,V92 H7VT | plan@kerrycoco.ie | 066 7183796 |
| Cill Chainnigh | An Rannóg Pleanála,Comhairle Contae Chill Chainnigh,Áras an Chontae,Sráid Eoin,Cill Chainnigh,R95 A39T | planning@kilkennycoco.ie | 056 7794000 |
| Luimneach | An Rannóg Pleanála,Urlár 1,Oifigí Chomhairle Contae agus Cathrach Luimnigh,Bóthar Thuar an Daill,Luimneach,V94 WV78 | Planning@limerick.ie | 061 556000 |
| An Longfort | An Rannóg Pleanála,Comhairle Contae an Longfoirt,Áras an Chontae,Great Water Street,An Longfort,N39 NH56 | planning@longfordcoco.ie | 043 3343431 |
| Lú | An Rannóg Pleanála,Comhairle Contae Lú,Halla an Bhaile,Sráid Crowe,Dún Dealgan,Contae Lú,A91 W2OC | transboundary@louthcoco.ie | 042 9392967 |
| Laois | An Rannóg Pleanála,Comhairle Contae Laoise,Áras an Chontae,Ascaill JFL,Port Laoise,Contae Laoise ,R32 EHP9 | transboundarysub@laoiscoco.ie | 057 8664000 |
| Liatroim | An Rannóg Pleanála,Comhairle Contae Liatroma,Áras an Chontae,Ardán Naomh Seoirse,Cora Droma Rúisc ,Contae Liatroma ,N41 PF67 | planning@leitrimcoco.ie | 071 6920005 |
| An Mhí | An Rannóg Pleanála,Comhairle Contae na Mí,Teach Buvinda ,Bóthar Bhaile Átha Cliath,An Uaimh,Contae na Mí,C15 Y291 | planning@meathcoco.ie | 046 9097000 |
| Maigh Eo | An Rannóg Pleanála,Comhairle Contae Mhaigh Eo,Áras an Chontae ,An Meal,Caisleán an Bharraigh ,Contae Mhaigh Eo,F23 WF90 | planning@mayococo.ie | 094 9064000 |
| Muineachán | An Rannóg Pleanála,Comhairle Contae Mhuineacháin,1 Sráid Bhaile Átha Cliath,Muineachán, H18 X982 | planning@monaghancoco.ie | 047 30532 |
| Uíbh Fhailí | An Rannóg Pleanála ,Comhairle Contae Uíbh Fhailí ,Áras an Chontae,Bóthar na Rátha,Tulach Mhór,Contae Uíbh Fhailí,R35 F893 | planning@offalycoco.ie | 057 9346800 |
| Ros Comáin | An Rannóg Pleanála ,Comhairle Contae Ros Comáin,Áras an Chontae,Bóthar an Teampaill ,Ros Comáin ,F42 VR98 | planning@roscommoncoco.ie | 090 6637100 |
| Sligeach | An Rannóg Pleanála,Comhairle Contae Shligigh,Halla na Cathrach,Sráid na Cé,Sligeach,F91 PP44 | planning@sligococo.ie | 071 911 4452 |
| Baile Átha Cliath Theas | An Rannóg Pleanála,Comhairle Contae Bhaile Átha Cliath Theas,Áras an Chontae,Cearnóg Belgard Thuaidh, Tamhlacht,Baile Átha Cliath 24,D24 YNN5 | https://consult.sdublincoco.ie/is féidir aighneachtaí a dhéanamh tríd an nasc thuas | 01 414 9000 |
| Tiobraid Árann | An Rannóg Pleanála,Comhairle Contae Thiobraid Árann,Na hOifigí Cathartha,Bóthar Luimnigh ,An tAonach,Contae Thiobraid Árann,E45 A099 | planning@tipperarycoco.ie | 0761 065000 |
| Port Láirge | An Rannóg Pleanála,Comhairle Cathrach agus Contae Phort Láirge,An 1ú hUrlár,Foirgneamh Menapia ,An Meal,Port Láirge ,X91 FXN4 | transboundary@waterfordcouncil.ie | 0761 102020 |
| An Iarmhí | An Rannóg Pleanála,Comhairle Contae na hIarmhí,Áras an Chontae,Sráid an Mhóta,An Muileann gCearr,Contae na hIarmhí,N91 FH4N | planning@westmeathcoco.ie | 044 9332165 |
| Loch Garman | An Rannóg Pleanála,Comhairle Contae Loch Garman,Áras an Chontae,An Charraig Leathan,Loch Garman,Y35 WY93 | submissions@wexfordcoco.ie | 053 9196240 |
| Cill Mhantáin | An Rannóg Pleanála,Comhairle Contae Chill Mhantáin,Áras an Chontae,Bóthair an Stáisiúin ,Na Geataí Bána,Baile Chill Mhantáin,A67 FW96 | plandev@wicklowcoco.ie | 0404 20100 |